Өймөкөөн нэһилиэгэр бибилэтиэкэ аһыллыбыта 90 сыллаах үбүлүөйүн чэрчитинэн олохтоох ааптардар “Иэйиим иһирэх тыла” хомуурунньуктарын сүрэхтээһин ыытылынна.
Бу кинигэҕэ Тымныы полюһун айар дьоҕурдаах дьонун 35 айымньыта түмүлүннэ. Хомуурунньук тахсарыгар “Дабаан” диэн айар куттаах дьон түмсүүлэрэ уонна Марианна Заровняева, Марианна Тырылгина, Ньургуйаана Дьяконова бары кыһалҕаларын, күүстэрин-уохтарын уурдулар. Оттон үбүлээһинигэр олохтоох дьаһалта баһылыга Павел Васильев күүс-көмө буолла.
Кинигэ сүрэхтэниитигэр ааптардар Петр Дьячковскай, Андрей Иванов, Марианна Тырылгина, Семен Сивцев, Давид Канаев кыттан, истиҥ-иһирэх кэпсэтии таҕыста.
Лилия Старкова, бибилэтиэкэр