Саха сиригэр от ыйын 31 күнүнээҕи туругунан 90 тыһыынча туонна сүөһү сиир ото бэлэмнэннэ, бу былаантан 20%. 105 тыһыынча гектар охсулунна.
Оттон Өймөкөөн улууһугар СӨ Тыа хаһаайыстыбатын министиэристибэтин сорудаҕынан быйыл сайын 3660 тонна от бэлэмниир сорук турар.
Улуустааҕы Тыа хаһаайыстыбатын управлениетын исписэлииһэ Евдоким Кондаков биэрбит чахчытынан, от ыйын 29 күнүнээҕи туругунан улуус үрдүнэн 206 тонна от бэлэмнэннэ. Ол иһигэр бааһынай хаһаайыстыбалар 139,5 тн, тэрээһиннээх хаһаайыстыбалар 4 тонна оту кэбистилэр. Бу күннэргэ улууска түспүт күүстээх ардах отчуттарга улахан харгыстары үөскэттэ.
Быйыл улууска 206 звено оттуу тахсыбыта, ол иһигэр 48 механизированнай уонна 157 илиинэн. Отчут уопсай ахсаана — 512 киһи.
Бу туһунан сиһилии “Хотугу сардаҥа” хаһыакка ааҕыҥ.
Любовь Кривошапкина