Алтынньы 8 уонна 9 күннэригэр Дьокуускайга “Хотугу сиргэ уонна киниэхэ сыһыарыллыбыт РФ территорияларыгар агроинновациялар: билим уонна быраактыка” диэн Бүтүн Арассыыйатааҕы тас дойдуттан кыттыылаах билим-практическай кэмпириэнсийэ үлэлээтэ.
Дьаһал Саха өрөспүүбүлүкэтигэр тыа хаһаайыстыбатын тэрилтэлэрэ, бэтэринээринэй-бактериологическай институт төрүттэммиттэрэ 100, Дьокуускайдааҕы тыа хаһаайыстыбатын билим-чинчийэр института (ЯНИИСХ) төрүттэммитэ 70 сылларыгар ананна.
Кэмпириэнсийэҕэ СӨ Тыа хаһаайыстыбатын үтүөлээх үлэһитэ, Эбээн-Бытантай, Анаабыр уонна Өймөкөөн улуустарын Бочуоттаах олохтооҕо, СӨ Тыа хаһаайыстыбатын Министиэристибэтин Бочуоттаах бэтэрээнэ, экэнэмииэчкэскэй билим хандьыдаата, Саха сирин Үрдүкү Сэбиэтин 12-с ыҥырыытын дьокутаата, “Биир ньыгыл Арасыыйа” баартыйа чилиэнэ Василий Степанович Винокуров ыҥырыллан кытынна.
Билим кэмпириэнсийэтин кыттыылаахтара туруктаах сайдыы хотугу форумун «Арктика 2050: технологии, экология, человек – пути устойчивого развития Трансарктического транспортного коридора» диэн аһаҕас дискуссиялыыр былаһааккатыгар үлэлээтилэр.
Былаһаакка икки блогунан ыытылынна. Учуонайдар, тыа хаһаайыстыбатын эйгэтин эппиэттээх үлэһиттэрэ о.д.а. Арктика усулуобуйатыгар киһи доруобуйатын туругун, биоэкономика туһунан киэҥник дьүүллэстилэр, санааларын атастастылар.
Биһиги корр.