“Илгэ” ТХПК бэрэссэдээтэлинэн номнуо хаһыс да сылын тыа хаһаайыстыбатын эйгэтин биир уопуттаах үлэһитэ Владимир Итегелов буолар.
Хаһаайыстыбаҕа Өймөкөөн сэлиэнньэтин 20-чэ ыала сезон устата үүттэрин туттараллар. Соҕотуопкалыыр тэрилтэ бэс ыйыттан саҕалаан балаҕан ыйын 20 күнүгэр диэри үлэлиир. Сайын устата тэрилтэ маастара, улуустааҕы Тыа хаһаайыстыбатын управлениетын исписэлииһэ Елена Винокурова уонна лаборант Антонина Старкова нэһилиэнньэттэн үрүҥ аһы тутталлар.
Үлэһиттэр туппут үүттэриттэн сүрүннээн арыы оҥорон таһаараллар, кыралаан иэдьэгэй, суорат уонна ымдаан оҥороллор. Бэлэм бородууксуйаны үүт туттарбыт дьон бэйэлэрэ ылаллар. Оттон харчынан ылыан баҕалаахтарга үүт атыыланар сыанатынан 33 солк. быһан төлөһөллөр.
Туттарыллар үүттэн киирэр үп 25 бырыһыана хамнаска, коммунальнай өҥөнү төлөһөргө туттуллар.
Бу туһунан сиһилии “Хотугу сардаҥа” хаһыакка ааҕыҥ.
Любовь Кривошапкина
Хаартыскалары Е. Винокурова тиксэрдэ