Улуус бука бары балыыһаларын үлэһиттэрин ааспыт сиэстэрэлэр күннэринэн итиитик-истиҥник эҕэрдэлиибин!
Үлэҕитигэр үрдүк ситиһиилэри, чэгиэн доруобуйаны, дьиэ кэргэҥҥитигэр дьолу-соргуну баҕарабын. Мин сылга иккитэ Томтор участковай балыыһатыгар сытан эмтэнэр үгэстээхпин. Онон Томтор нэһилиэгин балыыһатын иллээх кэлэктиибигэр, үрүҥ халааттаах аанньалларыгар махталым муҥура суох.
Куруутун бүгүҥҥүгүт курдук бары кыраһыабай, эдэр, эйэҕэс, элэккэй буолуҥ. Үөрүү-көтүү аргыстаныҥ, үрдүктэн үрдүк ситиһиилэнэн, дьон махталын күнтэн күн ыла туруҥ. Дьиэ кэргэҥҥитигэр дьолу-соргуну, ил-эйэни эрэ баҕарабын. Миигин куруутун бүөбэйдээн, ытыктабыллаахтык сыһыаннаһан, көрөн-истэн эмтииргитигэр-томтуургутугар, көрөргүтүгэр-харайаргытыгар, аһатаргытыгар, хоспун ыраастык тутаргытыгар олуһун диэн ис сүрэхпиттэн үөрэн туран махтанабын. Дьоллоох-соргулаах буолуҥ!
Тамара Егоровна БОЛОТУРОВА,
Өймөкөөн оройуонун, Орто-Балаҕан нэһилиэгин Бочуоттаах олохтооҕо, СӨ үөрэҕириитин үтүөлээх үлэһитэ, СӨ үлэ бэтэрээнэ, педагогическай үлэ бэтэрээнэ, РСФСР норуот үөрэҕириитин туйгуна, Сордоҥноох