Бу дьыл ахсынньы 14 күнүгэр култуураҕа Экспертнэй сэбиэт 2023 сыл бастыҥнарын быһаарда.
2023 сыл түмүгүнэн кыайыылаахтарынан ааттаннылар:
1) Саха суруйааччытын Н.М. Заболоцкай-Чысхаан аатынан литэрэтиирэ бириэмийэтэ:
— Винокурова Майя Арсентьевна (Томтор, 10 000 солк. харчынан бириэмийэ уонна түөскэ анньыллар бэлиэ) хоһоонноро улуустааҕы “Хотугу сардаҥа” хаһыакка өрүүтүн бэчээттэнэллэр, ону тэҥэ кини айымньылара саха бэйиэттэрин хоһооннорун хомуурунньугар киирбиттэрэ.
2) “Өймөкөөн улууһун норуот маастара” бириэмийэ лауреата:
— Федорова Тамара Егоровна (10 000 солк.) – иистэнньэҥ, Уус-Ньара.
3) “Норуот үгэскэ кубулуйбут култууратын илдьэ сылдьааччы” аат:
— Слепцова Елена Анатольевна (15 000 солк.) — Г.А. Кривошапкин аатынан Төрүт орто оскуолатын педагога, олоҥхону толорооччу, “Байаҕантай” фольклорнай кэлэктиип салайааччыта.
4) “Бастыҥ айар кэлэктиип-2023”:
— Готовцева Евдокия Афанасьевна (20 000 солк.) — Томтор нэһилиэгин Култуура дьиэтин исписэлииһэ, “Дуолан” фольклорнай кэлэктиип салайааччыта.
Арассыыйа суруналыыстарын Сойууһун чилиэнэ, кыраайы үөрэтээччи Сергей Михайловия Егоров аатынан улуустааҕы биримиэйэ лауреаттарын экспертнэй сэбиэт РФ Педагог уонна Уһуйааччы сылын иитинэн анаата:
— “Бастыҥ кыраайы үөрэтээччи” — Заболоцкая Антонина Петровна (10 000 солк.) — Томтор нэһилиэгин “Кэскил” уһуйаанын иитээччитэ.
— “Бастыҥ уопсастыбаннай кэрэспэндиэн” — Готовцева Агафья Степановна (10 000 солк.) Н.О. Кривошапкин аатынан Өймөкөөн орто оскуолатын учуутала.