Олунньу 10 күнүгэр Хара-Тумул нэһилиэгэр Өймөкөөн кэрэ көстүүлэрин көрдөрөр Айар куттаах биир дойдулвавахпыт Сивцев Семен-Өймөкөөн Сэмэнин -«Тымныы полюһа» диэн галереятын арыллыыта буолла.
Дэгиттэр талааннаах С.С. Сивцевы өйөөн, олохтоох дьаһалта киниэхэ 50 тыһ. солк. суумалаах сертификаты бэлэх уунна.
Галерея аһыллыытыгар баһылык Павел Васильев, Өймөкөөн нэһилиэгин «Тымныы Оройо» сынньалаҥ киинин үлэһиттэрэ, меценат-атыыһыт Н.О. Кривошапкин аатынан оскуола салалтата уонна олохтоох дьон кытыннылар.
— Бу галерея аһыллыытын сыала-соруга диэн олохтоох дьоҥҥо, ыалдьыттарга уонна туристарга Өймөкөөн ураты айылҕатын араас көстүүлэрин хаартысканан дьүһүйүү буолар, — диэн быһаарда саҥа галерея хаһаайына Семен Сивцев. — Ону тэҥэ сыыйа олохтоох маастардар үлэлэрин эмиэ көрдөрүүгэ туруоруохпут, омук дьонугар саха олоҕун-дьаһаҕын, дьиэтин-уотун көрдөрөн, кэпсээн-ипсээн билиһиннэриэхпит.
— Галереяны тутуһан көмөлөспүт бары доҕотторбор, оҕолорбор, күтүөттэрбэр, аймах дьоммор бука барыгытыгар барҕа махтал тылларбын аныыбын, — диэтэ Семен Семенович.
Ульяна Захарова, култуура дьиэтин дириэктэрэ, Өймөкөөн