Соторутааҕыта Дьокуускайга Национальнай бибилэтиэкэ историческай саалатыгар норуот бэйиэтэ, суруйааччы, Уус Алдантан төрүттээх Уйбаан Мигалкиҥҥа анаммыт “Бар дьоҥҥо истиҥ тапталынан” диэн хомуур кинигэтин биһирэмэ ыытылллыбыта.
Бэрт көрсүһүү буолла. Уйбаан Мигалкин дойдутун дьоно, аймахтара-уруулара, доҕотторо-атастара, истиҥ-иһирэх ахтыылары ис сүрэхтэн уу сахалыы, долгуйан туран кэпсээтилэр. Мин Уйбааны кытта, өссө Иван Васильевич буола илигинэ, Бүлүү педучилищетыгар биир кэмҥэ үөрэммит дьоллоохпун. Оччолорго биһиги, үгүс кыыс аймах ортотугар аҕыйах аҕай уолаттар, быыс-арыт көрсөн, бэркэ доҕордоһон, кини норуот суруйааччытыгар тиийэ үүнүө диэн хантан билиэхпитий.
Кэнники эрээккэ тураллар: П. Ксенофонтов, В. Нанова, А. Дмитриев, И. Мигалкин.
Үөрэнэ сылдьан литературнай куруһуокка тэҥҥэ сылдьарбыт. Уйбаан хоһооно элбэх этэ. Кэнсиэргэ, көрсүһүүлэргэ өйүттэн ааҕара. Соччоттон Ийэ, таптал, Төрөөбүт дойду, доҕор- атас тустарынан ордук тахсыылаахтык хоһуйара.
1990 сыллаахха мин Саха суруйааччыларын Ассоциациятын мунньаҕар ыҥырыллан сылдьыбытым. Ааспыт сылга Саха суруйааччыларын сойууһа тэриллибитэ 35 сыла туолбута.
Оҕо суруйааччытыгар, өрөспүүбүлүкэ таһымнаах тоҕоостоох кэмҥэ И.В. Мигалкин аатынан бириэмийэ олохтоноро буоллар диэн этиилээхпин өссө санатабын. Амма Аччыгыйа аатынан тэҥэ. Ити биһиги иэспит.
Маны, түгэн тосхойдор эрэ, суруйааччылар, ааҕааччылар үөһээ салалтаҕа санатар, өйдөтөр буолаарыҥ дуу. Поэттар, суруйааччылар өлбөт үөстээхтэр.
Бу туһунан сиһилии “Хотугу сардаҥа” хаһыакка ааҕыҥ.
Прокопий Ксенофонтов-Борокуопай, үлэ бэтэрээнэ, Өймөкөөн