Өймөкөөн улууһун Бочуоттаах олохтооҕун Спиридон Слепцов кинигэтэ дойдутугар сүрэхтэннэ

Соторутааҕыта Томтор орто оскуолатыгар кыраайы үөрэтээччи, биологическай билим хандьыдаата, биир дойдулаахпыт Спиридон Слепцов «Материалы к генеалогии населения Оймяконья (конец XVIII-первая треть XX в.)” диэн  кинигэтин тула кэпсэтэр олус истиҥ-иһирэх көрсүһүү ыытылынна. Кинигэ биһирэмэ тыа сирин нэһилиэктэригэр барыларыгар буолла.

Бу – Спиридон Слепцов үтүмэн матырыйаалы ырытан, чинчийэн, өйүгэр-санаатыгар иитиэхтээн, дьонум туһа диэн, бэйэтин ис кыаҕар эрэнэн таһааттарбыт кинигэтэ. Маныаха киниэхэ төһүү күүс-көмө, сүбэһит буолбут киһитинэн ийэтэ Мария Поликарповна Боярова буолар.

Кини хас биирдии киһи төрдүн-ууһун билиэхтээҕин, дьон дьылҕата, кэлэр кэскилэ, олохпут сайдыыта онтон тутулуктааҕын тоһоҕолоон бэлиэтээтэ.

Бу көрсүһүүгэ киниэхэ үтүмэн үлэтин суолталаан, сыратын сыаналаан Өймөкөөн улууһун Бочуоттаах гражданина аат иҥэриллибитин биир дойдулаахтара дохсун ытыс тыаһынан көрүстүбүт. Киэҥ билиилээх, дойдутугар бэриниилээх наукаҕа үлэлиир уолбутунан киэн туттабыт.

Сиһилии “Хотугу сардаҥа” хаһыакка ааҕыҥ.

Дария Тихомирова, биһиги общ.корр., Томтор.

Читайте дальше