Өймөкөөн Сэмэнэ доҕотторун айар киэһитигэр муста

Соторутааҕыта Семен Сивцев-Өймөкөөн Сэмэнэ — аан дойдуга тымныытынан биллэр Тымныы полюһун Чысхаанынан биллэр биир дойдулаахпыт айар киэһэтигэр чугас дьонун, доҕотторун түмтэ.

“Иэйэр кутум илдьиттэрэ” диэн ырыа алыптаах киэһэтигэр Томтор нэһилиэгиттэн анаан-минээн “Туйаарыма” ырыа бөлөҕө (сал. О. Суздалова), Саха сирин мелодистарын сойууһун чилиэнэ Петр Слепцов кэргэнинээн Татьяна Запиваловалыын, Томтордооҕу Култуура киинин уус-уран салайааччыта Евдокия Готовцева тиийэн кытыннылар, көрөөччүлэргэ ыллам ырыаларын бэлэхтээтилэр.

Маны тэҥэ Өймөкөөн нэһилиэгин уус-уран самодеятельноһын кыттыылаахтара дьоро киэһэни киэргэттилэр: Семен Сивцев ыллыыр “Дуораан” эр дьонун ансаамбыла, Петр Дьячковскай, Федор Шпнев, Агафья Готовцева, Айар Старков, кулууп үлэһиттэрэ, Филипп уонна Ульяна Захаровтар, Ньургун уонна Аксиния Гермогеновтар квартеттара.

Айар куттаах биир дойдулаахпыт Семен Сивцев-Өймөкөөн Сэмэнэ өр сыллаах айымньылаах үлэтэ сыаналанан, СӨ култуура туйгуна бэлиэни үөрүүлээх быһыыга-майгыга туттардылар.

Любовь Кривошапкина

Хаартыскалары У. Захарова тиксэриитэ уонна түһэриитэ

Читайте дальше