Былыр-былыргыттан күүстээх дьон күүстэринэн-уохтарынан, үлэһит да быһыытынан дойдуларыгар, дьонноругар-сэргэлэригэр дириҥник ытыктаналлара. Кинилэр ортолоругар дьахталлар кытта бааллара.
Бу кэрэ аҥардар олорбут олохторо, сылдьыбыт сырыылара, көрдөрбүт көрдөрүүлэрэ кэлэр да өттүгэр кэнчээри ыччакка кэрэ кэпсээҥҥэ, норуот номоҕор сылдьыаҕа, үйэ-саас тухары үүнэр көлүөнэҕэ өлбөт-сүппэт үтүө холобур буолуоҕа диэн санааттан кыраайы үөрэтээччи, суруналыыс Сергей Егоров Өймөкөөн сирин күүстээх дьахталларын тустарынан «Хотугу сардаҥаҕа» суруйууларын хаһыаппыт архыыбыттан сөргүтэн таһаарабыт.
