Өймөкөөн улууһунааҕы судаарыстыбаннай экологическай кэтээн көрүү иниспиэксийэтин судаарыстабыннай иниспиэктэрэ Сандал Протопопов иһитиннэрбитинэн, Өймөкөөн булчуттарыгар көтөргө сааланыы атырдьах ыйын 21 күнүттэн көҥүллэннэ.
Маны тэҥэ иниспиэксийэ үлэһиттэрэ бу күннэргэ көтөрү, туйахтаах уонна күндү түүлээх кыыллары бултуурга сайаапка ылаллар. Бултуурга көҥүлү ылыы эрэгийиэннээҕи E-yakutia портал нөҥүө оҥоһуллар. Билигин улууска хотугу дьиикэй табаны, чубукуну уонна хагдаҥ эһэни бултуур сезон арылынна.
Улуустааҕы судаарыстыбаннай экологическай кэтээн көрүү иниспиэксийэтин үлэһиттэрэ булт кэмигэр сэрэхтээх буолуу миэрэтэ булгуччу тутуһуллуохтааҕын уонна тулалыыр эйгэҕэ харыстабыллаах сыһыан баар буолуохтааҕын санаталлар.
Бу туһунан сиһилии “Хотугу сардаҥа” хаһыакка ааҕыҥ.
Любовь Кривошапкина