Сордоҥноох нэһилиэгин олохтоохторо Валентина уонна Валерий Винокуровтар ыһыахха билсибиттэрэ.
Ол туһунан Валентина Ильинична маннык кэпсээтэ:
— Мин Валералыын 2000 сыллаахха билсибитим. Сордоҥноох нэһилиэгэр сайын ыһыахха сырыттахпытына табаарыспыт Афоня биһигини билиһиннэрбитэ. Онтон ыла алтыһан, чугастык билсэн доҕордоспуппут, сүрэхпитинэн сөбүлэспиппит. Ол үтүө кэмнэрбитин күн бүгүнүгэр диэри олус истиҥник саныыбыт, өйдүү-саныы сылдьабыт. Тапталлаах кэргэммин Валерийы кытта ыал буолан олорбуппут номнуо 22 сыла буолла.
Биһиги 4 оҕолоохпут — икки хотой уолаттар уонна икки нарын кыргыттарбыт дьолбут, үөрүүбүт буолаллар. Кинилэри кыра эрдэхтэриттэн үлэ сатабылларыгар үөрэтэргэ кыһаллабыт. Сайын аайы «Хоруу» диэн өбүгэбит сиригэр-уотугар сайылыы тахсабыт. Оҕолорбутун кытта оттуубут, сир астыыбыт, эбэбитигэр Клавдия Константиновнаҕа хаһаайыстыбатыгар илии-атах буолабыт.
Бу туһунан сиһилии “Хотугу сардаҥа” хаһыакка ааҕыҥ.
Евдокия Егорова