Өймөкөөн улууһугар 2023 сыл түмүктэриттэн

2023 сылы этэҥҥэ түмүктээтибит. Тыа хаһаайыстыбатын салаатыгар билиҥҥитэ улуустар биэрбит дааннайдарынан сабаҕалааһын эрэ оҥоһулунна. Барыллааһын түмүктэртэн билиһиннэриэххэ сөп.

Өймөкөөн улууһун тыа хаһаайыстыбатын Управлениетын кылаабынай зоотехнига Евдоким Кондаков эрэдээксийэҕэ маннык иһитиннэрдэ.
Өймөкөөн улууһугар ынах сүөһү ахсаана 2023 сыл туругунан 931, онтон ыанар ынаҕа – 400. Урукку көрдөрүүттэн ынах сүөһү ахсаана 50-ча буолла.
Сылгы ахсаана улууска – 3846, онтон биэтэ 2535. Сылгы ахсаана 7-нэн эбилиннэ уонна 28 биэ эбии баар буолла.
Таба ахсаана 9467 тиийэр, ол иһигэр тыһыта 3925. Таба 347 төбөнөн эбилиннэ, онтон тыһыта 120 төбөнөн улаатта.
Үүтү ыаһын валовайынан 694, 6 тонна ылылынна. Ол эрээри үүт ыаһына ааспыт сылтан 63,8 тоннанан түстэ.
Забойга барбыт сүөһү этэ — 406,3 тонна, ааспыт сылы кытта тэҥнээтэххэ, көрдөрүү 10,1 тоннанан кыччаата.
Сайын оттооһун былаана 3700 тонна этэ, улуус үрдүнэн 2981 тонна бэлэмнэнэн, былааны толоруу 80,6% тэҥнэстэ.

Оттон Өймөкөөн улууһун тыа хаһаайыстыбатын Управлениетын салайааччыта Руслан Атласов сүөһү аһылыгынан хааччыллыы уонна бу салааҕа сыһыаннаах боппуруостар тустарынан маннык иһитиннэрдэ.
-Былырыын эрдэ, кулун тутарга, Чурапчы Одьулуунугар 360 тонна сенаж ыларга, итиэннэ комбикормҥа, эбиэскэ сайаапка түһэрбиппит. Ол быйыл кыһын тиэрдиллэрэ былааннанар.
Өрөспүүбүлүкэ быйылгы кыстыкка биирдии сүөһүгэ 39 тыһыынча солк. биэрэр, былырыын 37 тыһ. солк. көрөр этэ. Племенной хаһаайыстыбаҕа биир төбөҕө – 45 тыһ. көрүллэр. Онтон биир биэ төбөтүгэр төлөбүр 5 тыһ. дылы улаатта.

Улууспут тыатын сирин ходуһалара сайын аайы сааскы халаан содулуттан ууга барыылара үгүс уустуктары үөскэтэр. Өймөкөөн хайалаах дойду буолан, сирбитин саас-сайын уу ылар. Итинтэн эмсэҕэлээһин, ыксаллаах быһыы-майгы таҕыстаҕына, көмө оройуон бүддьүөтүттэн көрүллэр. Оттон бырабыыталыстыба халаан уутугар ылларбыт дьоҥҥо ыраах учаастактарга баран оттуулларыгар көмөлөһөр, – диэн Инна Яковлева, тыа хаһаайыстыбатын Управлениетын исписэлииһэ, эбэн эттэ.

Салгыытын «Хотугу сардаҥа» хаһыакка ааҕыҥ
                                                                                                                                                        Евдокия Егорова кэпсэттэ

Читайте дальше