Ил Дархан Айсен Николаев Таатта улууһуттан төрүттээх РФ Дьоруойа Родимир Максимовы кытары көрүстэ.
Айсен Сергеевич Саха сирин дьонун-сэргэтин аатыттан Родимиры үрдүкү наҕараадатынан эҕэрдэлээтэ уонна сулууспатын иһин махтанна. Байыас Ил Дархаҥҥа бэйэтин, сулууспатын уонна бойобуой доҕотторун туһунан кэпсээтэ. Кини этэринэн, Российскай Федерация Дьоруойун Сулуһун ыларыттан олус долгуйар. Родимирга уонна бүттүүн Саха сиригэр бу күн олус долгутуулаах уонна сүдү суолталаах күн буолуоҕа.
«Биһиги Россия көмүскэлигэр турбут уолаттарбытынан киэн туттабыт! Кыайыы – биһиги диэки!», – диэн Айсен Николаев эттэ.
“Саха” НКИХ