Эһигини аан дойду үлэлээн иитиллээччилэрин сомоҕолуур, чаҕылхай күннээх, ураты сырдык, кэрэ күөх Маайынан, Ил-Эйэ, Үлэ бырааһынньыктарынан итиитик-истиҥник эҕэрдэлиибит!
Саас кэлиитэ саха киһитигэр кэлэр кэскили түстүүр, кэрэни кэрэһилиир. Ыам ыйын 1 күнэ – Арассыыйа кэрдиис кэмнэрин, уларыта тутууларын кытта ситимнээх дириҥ ис хоһоонноох бырааһынньык. Билиҥҥи чэпчэкитэ суох кэмҥэ ыраас халлаан, иллээх, эйэлээх олох суолтата өссө күүһүрдэ. Бу быһаарыылаах, уустук күннэргэ дойдубут Бэрэсидьиэнин тула бука бары түмсэн, кэскиллээх көҕүлээһиннэри өйөөн, хардарыта өйөһөн, дойдубут чэчирии сайдарын туһугар үлэлиэх-хамсыах тустаахпыт.
Күндү Өймөкөөн дьоно-сэргэтэ! Ыам ыйын ыраас халлаанын курдук киэҥ-куоҥ санааланыҥ, күлүмүрдүүр күнүн курдук кэрэ мичээр аргыстаныҥ, тулаҕытыгар үөрүү, дьол толору буолуохтун! Барыгытыгар уҕараабат эрчими, чэгиэн-чэбдик туругу баҕарабыт!
“Өймөкөөн улууһа” муниципальнай тэриллии дьаһалтата