Дьокуускайга ыытыллар Саха сирин табаһыттарын IV сийиэһигэр сүүрбэччэ улуустан 240 дэлэгээт кытынна. Ытык ыалдьыттарынан Аан дойду табаһыттарын ассоциациятыттан, Арассыыйа табаһыттарын ассоциациятыттан, Кытай, Монголия уонна РФ эрэгийиэннэриттэн бэрэстэбиитэллэр буоллулар.
Тэрээһин чэрчитинэн пленарнай мунньах, «Северное домашнее оленеводство во второй четверти XXI века» төгүрүк остуол тэрилиннилэр. Кыттааччылар сүрүн тиэмэнэн үгэскэ кубулуйбут олоҕу чөл хаалларыы, харыстааһын, ыччаты таба иитиитигэр уһуйуу уонна да атын көдьүүстээх боппуруостары дьүүллэстилэр.
Бу киэҥ далааһыннаах тэрээһиҥҥэ Өймөкөөн улууһун «Үчүгэй» акционернай тэрилтэ ыстаарсай табаһыта Прохор Громов кытынна уонна Российскай Федерация Тыа хаһаайыстыбатын миниистирэ Оксана Лут илии баттааһыннаах Махталынан бэлиэтэннэ.
Прохор Егорович агропромышленнай комплекска өр сыллаах үтүө суобастаах, кыһамньылаах үлэтин иһин бу дьоһун наҕарааданы тутар чиэскэ тигистэ.
Биһиги корр.