Эһигини Саха Өрөспүүбүлүкэтин судаарыстыбаннаһын күнүнэн ис сүрэхтэн эҕэрдэлиибин!
1990 сыллаахха балаҕан ыйын 27 күнэ Саха сирин саҥа устуоруйата саҕаламмыта. Бу күн Судаарыстыбаннай суверенитет туһунан Декларация ылыныллыбыта, ол биһиги Арассыыйа Федерациятын састаабыгар бэйэтэ туспа, толору бырааптаах субъект быһыытынан сайдарын суолун быһаарбыта.
Бүгүн биһиги өрөспүүбүлүкэбит — дойду экономикатын чиҥ тирэҕэ. Аҕа саастаах көлүөнэҕэ — судаарыстыбаннас төрүттэниитин саҕалаабыт, биһиги уопсай дьиэбитин туппут уонна бөҕөргөппүт дьоҥҥо барҕа махталбын биллэрэбин. Бу нэһилиэстибэни харыстааһын, көмүскээһин уонна оҕолорбутугар, сиэннэрбитигэр тиэрдии – кэм ирдэбилэ.
Эһиэхэ, күндү биир дойдулаахтарым, кытаанах доруобуйаны, үтүө санааны, эйэни уонна сарсыҥҥы күҥҥэ эрэли баҕарабын!
Ытыктабыллаах Өймөкөөн улууһун урбаанньыттара!
Эһигини идэлээх бырааһынньыккытынан — Саха Өрөспүүбүлүкэтин Урбаанньытын күнүнэн истиҥник эҕэрдэлиибин!
Урбаанньыт — биһиги улууспут чиҥ тирэҕэ. Эһиги үлэ миэстэтин тэрийэҕит, олохтоохтору наадалаах табаардарынан уонна өҥөнөн хааччыйаҕыт, хайысхалаах уонна социальнай бырайыактарга көхтөөхтүк кыттаҕыт. Биһиги улууспут урбаанньыттара суолталаах дьыалалартан тэйбэккит – нэһилиэктэрбит туруктаах буолууларын уонна сайдыыларын бөҕөргөтүүгэ улахан кылааккытын киллэрэҕит.
Эһиэхэ кытаанах доруобуйаны, үтүө санааны, сарсыҥҥы күҥҥэ эрэли, сонун сүүрээннэри, саҥа саҕахтары баҕарабын. Эһиги күннээҕи үлэҕит дьоҥҥо туһаны, дьиэ кэргэҥҥитигэр уйгуну аҕаллын!
Ытыктабыллаах оскуолаҕа киириэн иннинэ үөрэхтээһин үлэһиттэрэ!
Эһигини идэлээх бырааһынньыккытынан истиҥник эҕэрдэлиибин!
Иитээччи оҕоҕо улахан билии эйгэтигэр бастакы суолу аһааччынан буолар. Эһиги кыра оҕолорго сылаас санааны уонна кыһамньыны бэлэхтиигит. Биһиги улууспугар бу эйгэҕэ оҕону уонна бэйэтин идэтин дьиҥнээхтик таптыыр дьон үлэлииллэр. Ол түмүгэр уһуйааннар оҕолорго иккис дьиэлэринэн буолаллар, онно кинилэри күүтэллэр, өйдүүллэр уонна өйүүллэр, кэрэ уонна сайдар эйгэни оҥороллор.
Махтал истиҥин аныыбын үтүө үгэстэри олохтообут уонна элбэх көлүөнэ дьону иитэн таһаарбыт бэтэрээн иитээччилэргэ. Эһиги уопуккут — эдэр иитээччилэргэ тугунан да сыаналаммат баай.
Эһиэхэ кытаанах доруобуйаны, үтүө санааны, оптимизмы уонна өрө көтөҕүллүүнү баҕарабын. Иитээччилэргит эһигини ситиһиилэринэн үөртүннэр, төрөппүттэр — итэҕэлинэн уонна ытыктабылынан. Санаабыккыт барыта кэмигэр туоллун!
Ытыктабыллаах Өймөкөөн улууһун олохтоохторо!
Эһигини Аан дойдутааҕы туризм күнүнэн истиҥник эҕэрдэлиибин!
Өймөкөөн улууһа — Тымныы полюһа, номоххо киирбит ытык сир, ураты айылҕалаах уонна күүстээх санаалаах дьонноох хоту ойду. Биһиги улууспут бүтүн Саха сирин сирэйдиир. Бу аан дойду бары муннуктарыттан кэлэр туристарга баҕа санаа ымыыта буолар сир.
«Тымныы полюһугар айан» өрөспүүбүлүкэтээҕи бэстибээл Өймөкөөммүтүн аар саарга аатырта. Махтал буоллун туризм уонна ыалдьыттааһын эйгэтигэр сыраларын ууран үлэлиир дьоҥҥо: туроператордарга, экскурсоводтарга, гостиницалар үлэһиттэригэр, событийнай тэрээһиннэри тэрийээччилэргэ, сувенир оҥорооччуларга. Эһиги үлэҕит түмүгүнэн биһиги улууспут хас биирдии ыалдьыкка аһаҕас уонна күндү.
Эһиэхэ кытаанах доруобуйаны, үтүө санааны, саҥа ситиһиилээх бырайыактары баҕарабын!
“Өймөкөөн улууһа” МТ баһылыга Александр ОКОНЕШНИКОВ.