Симона СКРЫБЫКИНА, Томтор орто оскуолатын Саха сирин норуоттарын музыкатын уонна култууратын учуутала, санаатын маннык үллэһиннэ:
— Биһиги, үс оҕолоох ыал, Ленскэй оройуонуттан дьиэ кэргэнинэн Томторго олоро, үлэлии көһөн кэлбиппит. Мин эбии үөрэхтээһиҥҥэ педагог быһыытынан икки сыллаах уопуттаахпын, онон билиҥҥитэ эдэр педагог ахсааныгар киирсэбин.
Култуура эйгэтигэр, ол иһигэр Томтордооҕу ДК-ҕа үлэлээбит уопутум баар. Томтор нэһилиэгэ – мин кэргэним Станислав Скрыбыкин төрөөбүт дойдута, ол иһин 10 сылынан манна эргиллэн кэлэргэ быһаарынныбыт.
Учууталлар балаҕан ыйынааҕы мунньахтарыгар мин аан бастаан кыттабын. Тэрээһин араас хайысхалаах бырагырааматын олус сөбүлээтим. Дьаһал үөрүүлээх быһыыга-майгыга арыллыытын бырааһынньыктааҕы оҥоһуутунан, тэрийэн ыытыытынан сөхтөрдө.
Учууталлар улуустааҕы мунньахтара ордук саҥа саҕалаан эрэр педагогтарга салалтаны уонна коллегалары кытта билсэргэ, уопут атастаһарга, саҥаны билэргэ, арыйарга олус наадалаах. Оройуон бары педагогтарыгар бу үөрүүлээх, туһалаах тэрээһин диэн сыаналыыбын.
Биһиги корр.