Юлия Ядреева, элбэх оҕолоох эдэр ийэ, Сордоҥноох:
— Ил Дархаммыт Айсен Николаев кэлэр 2024 сылы Оҕо саас сылынан биллэрбитин биһиги дьиэ кэргэн сэргии иһиттибит. Хас биирдии ыал сүрүн баайа-дуола – оҕото буоллаҕа. Оҕолорбут доруобай, ситиһиилээх, дьоллоох буолалларын туһугар төрөппүттэр бары кыһаллаллар, ол туһугар үлэлиибит-хамсыыбыт.
Оҕо — биһиги сарсыҥҥыга эрэлбит, удьуору утумнааччыбыт уонна кэскили түстээччибит. Биһиги, Ядреевтар, 5 оҕолоохпут. Улахаммыт устудьуон, икки оскуола үөрэнээччилэрэ уонна икки кырабыт оҕо саадын иитиллээччилэрэ.
Элбэх оҕолоох дьиэ кэргэҥҥэ кэлэр сылга өссө күүстээх болҕомто ууруллуо диэн эрэнэ күүтэбит.
Ольга Скрыбыкина