Олунньу 14 күнүгэр Өймөкөөн оройуонун Томтор нэһилиэгэр сэбиэскэй географ уонна геолог, ССРС Наукаларын Академиятын чилиэн-корреспондена С.В. Обручев төрөөбүтэ 135 уонна кини тэрийбит Индигирдээҕи эспэдииссийэтин 100 сылларыгар анаммыт ураты суолталаах тэрээһин – “Обручев сулуһа: Тымныы Полюһугар наука сырдыга” диэн Бүтүн Арассыыйатааҕы бэстибээл-кэмпириэнсийэ буолан ааспыта.
Бэстибээл-кэмпириэнсийэни Н.М. Заболоцкай-Чысхаан аатынан Томтордооҕу кыраайы үөрэтэр түмэл үлэһиттэрэ көҕүлээһиммитинэн оҥоһуллубут бырайыакпытынан уонна идиэйэбитинэн Н.М. Заболоцкай-Чысхаан аатынан Томтор орто оскуолатын кытта тэрийэн ыыттыбыт. Тэрээһиҥҥэ Обручевтар Пуондалара эмиэ кыттыыны ылла. Татьяна Обручева тус бэйэтэ онлайн сибээһинэн тахсан бэстибээл саҕаламмытынан эҕэрдэлээбитэ олус улахан суолталаах буолла, тэрээһиммитин өссө үрдүк таһымнаата.
Кэмпириэнсийэҕэ Москубаттан, Обнинскайтан, Курскайтан, Санкт-Петербургтан, Кузбасстан, Челябинскай уобаластан уонна Сунтаар, Томпо, Муома, Мэҥэ Ханалас, Чурапчы, Нерюнгри, Алдан, Горнай улуустарыттан, Жатай, Табага бөһүөлэктэриттэн, Дьокуускайтан уопсайа 74 кыттааччы тэйиччиттэн, оттон 207 киһи миэстэтигэр кытынна.
Кинилэр үлэлэрин миэстэтигэр 8, тэйиччиттэн 5 экспертэр, ол иһигэр эксперт быһыытынан Анталияттан туризм аан дойдутааҕы Академията сыаналаатылар.
Тэрээһини РФ сенатора Сахамин Афанасьев, СӨ РФ Бэрэсидьиэнин иһинэн Бастайааннай бэрэстэбиитэлэ, СӨ Бырабыыталыстыбатын Бэрэссэдээтэлин Бастакы солбуйааччыта Андрей Федотов, кини солбуйааччыта Евгений Петров, Госдуума дьокутаата Федот Тумусов уонна Санкт-Петербург РГО, СӨ мусуойдар дьыалаларын уонна пуондатын управлениетын начаалынньыга Николай Бугаев, СӨ РГО толорооччу дириэктэрэ Дмитрий Соловьев, А.И. Воейков аатынан Обсерватория динамическай метеорология уонна климатология салаатын сэбиэдиссйэ Игорь Школьник, Обсерватория научнай үлэһитэ Марина Клюева өйөөтүлэр.
Икки күннээх тыҥааһыннаах үлэ түмүгүнэн кыттаачылар 1, 2, 3 истиэпэннээх дипломнары туттулар. Ол курдук миэстэлэспит оҕолор Москуба, Обнинск, Сочи, Санкт-Петербург к. ыытыллар НПК-ларга баран кыттарга мэктиэлээһини ыллылар.
Улахан дьон иһигэр 1-кы миэстэлээхтэр эмиэ киин куораттарга ыытыллар улахан суолталаах тэрээһиннэргэ кыттыахтарын сөп, ыстатыйалара Арассыыйа таһымнаах билим сурунаалларыгар бэчээттэниэхтэрэ. Тэрээһин сүрүн үбүлээһинин Томтордооҕы кыраацыа үөрэтэр түмэрбит уйунна диэн тоһоҕолоон бэлиэтиибит.
Социальнай суолталаах бырайыактарга Уус-Ньаратааҕы гимназия учуутала А.А. Гарипова ылан, 30 тыһ. солк суумалаах грант хаһаайына буолбута. Иккис миэстэҕэ тахсыбыт Нь.М. Дьячкова 20 тыһ. солк суумалаах граны, үһүс миэстэлээх Н.Е. Егорова 10 тыһ. солк. суумалаах граны туттулар.
Маныаха спонсордаан көмөлөстүлэр.:
Егоров Мирон Николаевич, “Оймякон тур” ХЭТ — 30.000 солк.
“Өймөкөөн Тымныы Полюһа” марафон дириэксийэтэ — 20.000 солк.
Харитоновтар дьиэ кэргэннэрэ — 10 000 солк.
Евдокия уонна Александр Харитоновтар нэһилиэк, улуус таһымнаах тэрээһиннэргэ өрүүтүн спонсордыыллар. Онон кинилэргэ «За активную работу в развитии МАН» мэтээл туттардылар.
Бүтүн Арассыыйатааҕы Наукалар Аччыгый Академиялара өр сыллар усталарыгар араас таһымнаах билим кэмпириэнсийэлэригэр үөрэнээччилэрин кытыннарбыттарын сыаналаан туран, кэккэ учууталларга анал ааттары анаатылар.
Ол курдук, «За вклад в развитии образования» наҕарааданы Н.О. Кривошапкин аатынан Өймөкөөн орто оскуолатын учууталлара Надежда Гаврильевна Дягилева, Люция Прокопьевна Аммосова, Ирина Федоровна Кондакова туттулар.
Педагог-настаабынньыктар: Василиса Семёновна Васильева, Дьокуускай куорат 31 №-дээх орто оскуолата; Александр Константинович Слепцов, Николина Владимировна Филиппова, Үчүгэй орто оскуолата.
Арассыыйатааҕы Наукалар Аччыгый Академиялара актыыбынай үлэлэрин иһин Томтор орто оскуолатын учууталларын Александр Васильевич Харитоновы, Евдокия Гаврильевна Харитонованы уонна Сордоҥноох орто оскуолатын учууталын Климентина Евгеньевна Винокурованы бэлиэтээтилэр.
Улахан махталбытын “Якутскэнерго” ПАО генеральнай дириэктэрэ, норуот дьокутаата Гаврил Алексеевка тиэрдэбит, кини суоппардарга төлөнүөхтээх харчы аҥаарын биэрэн күүс-көмө буолбутугар тиэрдэбит. Маны таһынан Ярослав Винокуров дьүүллүүр сүбэ чилиэннэрэ Дьокуускайга көтөн кэлбиттэрин сиэри-туому тутуһан көрсөргө 10 тыһ. солк. спонсордаабыта.
Маргарита Осипова, Айталина Иванова