Тохсунньу 28 күнүгэр Сордоҥноох нэһилиэгэр анал баһыаннай дьайыы кыттыылааҕа, «Эр санааланыы» уордьаннаах тапталлаах кэргэним Готовцев Максим Владимировиһы кытта быраһаайдаһыы буолан ааста.
Күндү киһибитин көрдөөн көмөлөспүт РФ сенаторыгар Сахамин Афанасьевка, кэргэним үлэлээбит тэрилтэтэ Дьокуускай куораттан техника биэрэн аҕалтарбытыгар (АО «Теплоэнергосервис» генеральнай дириэктэрэ Максим Трофимов) барҕа махталбытын тиэрдэбин. Бу тэрилтэ хас биирдии анал байыаннай дьайыыга сылдьар үлэһиттэригэр, кинилэр дьиэ кэргэттэригэр болҕомтотун ууран тустаах көмөнү оҥороро хайҕаллаах дьыала.
Кэргэним дойдутун буларыгар сүҥкэн үлэни тэрийбит, сүүрэн-көтөн, кэпсэтиини ыытан барытын дьаһайбыт эдьиийбитигэр Раиса Николаевна Ноеваҕа барҕа махталбын тиэрдэбин. Махтанабын ыарахан кэммэр өйөбүл буолбут Сордоҥнооҕум дьонугар, чугас дьүөгэлэрбэр Татьяна Дмитриевна Готовцеваҕа, Мария Васильевна Максимоваҕа, Августина Власьевна Винокуроваҕа, эдьиийбэр Ольгаҕа, балтыларбар Вераҕа, Катюшаҕа. Барыгытыгар этэҥҥэ буолууну, чэгиэн доруобуйаны баҕарабын. Эһиги дьиэҕитин аймалҕан тумнан аастын, курус санаа диэни билбэккэ уһуннук, дьоллоохтук олоруҥ.
Марианна Готовцева,
Сордоҥноох