Быйылгы суол тутуутун сезонугар Тымныы Полюһугар – Өймөкөөн нэһилиэгэр диэри суолу өрөмүөннээһин 10-ча километры хабыаҕа. Суол үлэтэ «Олох инфраструктурата» («Инфраструктура для жизни») диэн национальнай бырайыагынан ыытыллар уонна 2026 сыллаахха түмүктэниэҕэ.
Билигин специалистар 6,4-тэн 16 км дылы суол учаастагар туорааһын балаһатын (полоса отвода) ыраастааһынынан дьарыктаналлар.
Ол кэнниттэн ууну ыытар турбалары туруорууга уонна суолу-ииһи оҥоруу үлэтигэр ылсыахтара. Маны сэргэ турба уонна дренаж ханаабаларын бөҕөргөтөргө анал конструкциялар — габионнар туттуллуохтара.
Суол куттала суох буолуутун хааччыйарга национальнай бырайыак суол үлэтин учаастагар 896 погоннай миэтэрэ харгыстаах күрүөнү оҥорууну, 70 суол бэлиэтин уонна 329 сигнал остуолбатын туруорууну ирдиир.
Манна даҕатан эттэххэ, 2025 сыллаахха «Олох инфраструктурата» национальнай бырайыагынан «Өймөкөөн» республикатааҕы суол 15 км нормативнай турукка киллэриллибитэ. Бу туһунан «Управдор» судаарыстыбаннай казеннай тэрилтэ пресс-сулууспата иһитиннэрэр.
Пресс-сулууспа