Эһигини Бүтүн Арассыыйатааҕы Ийэ күнүнэн ис сүрэхпиттэн истиҥник эҕэрдэлиибин!
Олоҕу бэлэхтиир, күн сирин көрдөрөр Ийэ барахсан – дьиэ кэргэн туллар тутааҕа, сир ийэ эргийэр киинэ. Ыал ийэтэ бүгүҥҥү күҥҥэ норуот хаһаайыстыбатын бары салааларыгар айымньылаахтык үлэлиир, оҕолорун төрөөбүт улуустарын, өрөспүүбүлүкэлэрин, Улуу Арассыыйаны таптыырга, киһилии киһи буоларга уһуйар.
Өймөкөөн улууһун ийэлэрэ оройуон социальнай-экэнэмиичэскэй сайдыытыгар, социальнай-култуурунай олоҕор киллэрэр кылааттара сүҥкэн. Бу күн улуус киинигэр уонна бары нэһилиэктэргэ ийэни уруйдуур, чиэстиир араас тэрээһиннэр ыытыллаллар.
Тымныы полюһун күн-күбэй ийэлэрэ! Эһиэхэ уонна чугас дьоҥҥутугар чэгиэн-чэбдик туругу, энчирээбэт эрчими, этэҥҥэ буолууну, дьолу-соргуну баҕарабын. Саҕалаабыккыт барыта табылла турдун!
“Өймөкөөн улууһа” МТ баһылыгын э.т. Иван МАКСИМОВ