“Өймөкөөн улууһа” МТ дьаһалтатын ыччат салаата, улуустааҕы “Севернай заря”-“Хотугу сардаҥа” хаһыаттар “Ыччат уонна оттооһун-2024” диэн аахсыйаҕа кыттарга ыҥырыы таһаарбыттара.
Ол чэрчитинэн төрүт нэһилиэгиттэн үлэ киирдэ. Мирнэй куоракка олохсуйбут түөрт оҕолоох Лидия уонна Кирилл Скрябиннар Төрүт нэһилиэгэр олорор эбэлээх эһэлэригэр: Октябрина Степановна Столярчикка уонна Юрий Иннокентьевич Егоровка сыл аайы ыраах Мирнэйтэн кэлэн ыалдьыттаан, оттоон бараллар.
Кинилэр дьонноругар ынах сүөһүлэрэ, сылгылара кыстыгы этэҥҥэ туоруулларыгар сүдү көмөлөөх дьон.
Любовь Кривошапкина