Бу күннэргэ улуустааҕы “Севернай заря” уонна “Хотугу сардаҥа” хаһыаттарга кэлэр 2025 сылга сурутуу ыытылла турар.
Билиҥҥи үйэҕэ дьон-сэргэ сонуну-нуомаһы куйаар ситиминэн истэ-билэ олорор буолла. Бу – олох ирдэбилэ. Ол да буоллар өрөспүүбүлүкэҕэ кумааҕы хаһыаттар бары улуустарга тахса тураллар, Саха сирин сүрүн хаһыаттарыгар сурутуу ыытыллар.
Улуус хаһыаттара аныгы тэтимнээх олоҕу кытта тэҥҥэ хардыылыыллар. Ол курдук кумааҕы хаһыат нэдиэлэ аайы бэчээттэнэн тахсарын таһынан, сетевой таһаарыылаахпыт, Телеграм ханаалга страницалаахпыт, ватсап-бөлөхтөр о.д.а. үлэлииллэр.
Хомойуох иһин, үгүс дьон ити ааттаталаабыт ситимнэрбгэ тахсар матырыйааллары эрэ ааҕалларынан муҥурданаллара баар суол. Өрүүтүн хаһыаты ааҕар, суруйтарар дьон сонуннар нүөмэргэ саайтарга тахсыбытынааҕар киэҥник сырдатыллалларын бэлиэтии көрөллөр.
Кинилэр ааспыт үйэҕэ, 1992 сыллаахха, Өймөкөөн улууһун патриота, суруналыыс, талааннаах суруйааччы, кыраайы үөрэтээччи Сергей Егоров иитиэхтээн таһааттарбыт “Хотугу сардаҥа” хаһыатын күн бүгүҥҥээҥҥэ диэри сурутар буолан, хаһыат олоҕо уһуур. Биһиги общ. корр. биирдэстэрэ Дария Тихомирова улууска соҕотох сахалыы тыыннаах хаһыат өссө да уһун үйэлээх буоларыгар дууһатынан ыалдьар. Кэрэхсэбиллээҕэ диэн, кини курдук ааҕааччыларбыт улууска балайдалар.
Онон, түгэнинэн туһанан, общественнай корреспонденнарбытыгар барыларыгар, эрэллээх ааҕааччыларбытыгар махтанан туран, кэлэр сыллааҕы сурутуу хампаанньата салҕанан барарын санатабын.
Хаартыскаҕа: Өймөкөөн орто оскуолатын дириэктэри үөрэх чааһыгар солбуйааччы Анна Винокурова.
Любовь Кривошапкина