Улуустааҕы “Хотугу сардаҥа” уонна “Севернай заря” хаһыаттарга 2024 сылга сурутуу салҕанар. Бүгүн Томтор нэһилиэгин олохтоохторо, хаһыат бастыҥ доҕотторо, санааларын үллэстэллэр.
Мира Томская, бибилэтиэкэр, Томтор:
— Улууспут биир тутаах хаһыатын «Хотугу сардаҥаны» сөбүлээн ааҕабын, көтүппэккэ суруйтарабын. Инникитин хаһыакка нэһилиэктэртэн сонуннары оскуола юнкордара суруйаллара буоллар, кыраайы үөрэтиилэригэр эбии сайдыахтара этэ. Бастакы холонууттан тыллары сүүмэрдээн, этиини сааһылаан, төрөөбүт тылбыт суруллуутун-суолтатын өйдөөн, саха омук духуобунаһын иҥэринэн олох устун киэҥник хардыылыылларыгар көмөлөөх, инники олохторугар туһалаах буолуо этэ диэн бигэтик эрэнэбин.
Николай Софронов, тириэньэр, Томтор:
— «Хотугу сардаҥа» хаһыаты сөбүлээн ааҕабын. Оройуоммутугар буола турар сонуннары үөрэ-көтө билсэбин. Төһө да кыратык хойутаан кэллэр, хаһыаппытын куруутун кэтэһэбит. Хаһыаппытыгар хаартыскалар хаачыстыбалара соччото суоҕа хомотор. Ол эрэн уопсай мөһүөнү көрүөххэ сөп. Хаһыаппыт сайда, тупса тур, элбэх саҥа ситиһиилэр, саҥа сүүрээннэр арыаллаатыннар диэн баҕа санаабын тиэрдэбин.
Күндү Өймөкөөн улууһун олохтоохторо улуустааҕы «Хотугу сардаҥа» уонна “Северная заря” хаһыаттарга суруйтарыҥ, олоҕу кытта тэҥҥэ хардыылааҥ диэн ыҥырабыт! Кытаатыҥ, улуускут сонунун кэпсиир соҕотох хаһыаккытыгар сурутуҥ. Суруллубут – суоруллубат!
Ольга Скрыбыкина