Эйиигин 80 сааскын туолбут өрөгөйдөөх үбүлүөйгүнэн итиитик-истиҥник эҕэрдэлиибит!
Эн, СӨ тыатын хаһаайыстыбатын үтүөлээх үлэһитэ, Эбээн-Бытантай, Анаабыр, Өймөкөөн улуустарын Бочуоттаах гражданина; СӨ Бочуоттаах бэтэрээнэ, экономическай наука кандидата, Өймөкөөн оройуонуттан 12-с ыҥырыылаах Үрдүкү Сэбиэт дьокутаата, «Ньыгыл Арассыыйа» политическай партия чилиэнэ, СӨ социальнай-экономическай сайдыытыгар ураты кылааты киллэрбит тыа хаһаайыстыбатын бэтэрээнэ, биһиэхэ, биир дойдулаахтаргар, өрүү холобур буолаҕын.
Эн үлэҥ-хамнаһыҥ СӨ тыатын хаһаайыстыбатыгар, аграрнай наукаҕа, республика хотугу территориятын сайыннарыыга – дойдугар бэриниилээх буолууҥ туоһута. Тэрийэр, дьону түмэр талааныҥ, сатабылыҥ саамай уустук соруктары дьаныардаахтык быһаарарга олук буолара, Өймөкөөн оройуонун олохтоохторугар дириҥ ытыктабылы үөскэтэр.
Эн төрөөбүт Өймөкөөнүҥ сайдыытыгар оҥорбут үтүөҕүн биир дойдулаахтарыҥ өрүү киэн тутта саныыбыт. Үчүгэй нэһилиэгин сайыннарыыга кэргэҥҥинээн Маргарита Егоровналыын бэрт үгүс сыраҕытын биэрэн туран, айымньылаахтык үлэлээбиккит. «Үчүгэй» ОПХ атаҕар туруутугар эн тус бэйэҥ сүҥкэн өҥөлөөххүн. Ырыынак сокуонугар эппиэтиир акционернай хаһаайыстыбаны тэрийииҥ, уустук кэмҥэ нэһилиэк бигэ тирэҕинэн буолбута.
Ытыктабыллаах Василий Степанович! Өймөкөөн улууһун олохтоохторо истиҥ махталбытын биллэрэн туран, Эйиэхэ уонна Эн чугас дьоҥҥор чэгиэн-чэбдик доруобуйаны, эйэни, дьолу-соргуну баҕарабыт!
«ӨЙМӨКӨӨН УЛУУҺА» МО ДЬАҺАЛТАТА