Аан дойду аҕыйах ахсааннаах төрүт норуоттарын күннэринэн итиитик-истиҥник эҕэрдэлиибит! Бэлиэ даата ХНТ (ООН) генеральнай Ассамблеятын көҕүлээһининэн олохтоммута.
Араас омук дьоно тоҕуоруһан олорор улуустарыгар, оройуоннарыгар бу күҥҥэ анаммыт араас тэрээһиннэр киэҥник, далааһыннаахтык ыытыллаллар.
Аан дойду төрүт норуоттарын күнэ – бары омуктар бэйэ-бэйэлэригэр хардарыта убаастабылларын, сомоҕолоһууларын биллэрэр күннэрэ. Биһиги хотугу сир төрүт норуоттара өбүгэлэрин үгэһин, абыычайдарын күн бүгүҥҥэ диэри илдьэ кэлэн, өссө киэҥник байыта, киэҥ араҥаҕа тарҕата сылдьалларынан киэн туттабыт. Көлүөнэ утума быстыбат. Ону бииргэ дьүөрэлээн тулалыыр эйгэни кытта холбоон, тэҥнээн бу сыаннастар биһиэхэ олох муудараһын иҥэриигэ холобур буолаллар.
Эһиэхэ чэгиэн доруобуйаны, дьиэ кэргэҥҥитигэр дьолу-соргуну, ситиһиилэри баҕарабыт.
«Өймөкөөн улууһа» МТ дьаһалтата.