Эһигини 2017 с. олунньу 6 күнүгэр СӨ Ил Дарханын ыйааҕынан олохтоммут Уол оҕо күнүнэн итиитик-истиҥник эҕэрдэлиибит!
Бу бэлиэ күн соруга — дьиэ кэргэни, дьиэ кэргэн сыаннастарын бөҕөргөтүү. Саха киһитэ уол оҕону эр киһилии иитиитигэр сүрүн болҕомтотун уурар. Эр киһи аал уоту оттооччу, алаһа дьиэни тэрийээччи, булааччы-талааччы, ыал халыҥ хаххата, суон дурдата буолар. Онтон саха оҕото аҕатын кыра эрдэҕиттэн батыһа сылдьан булка-аска, үлэҕэ-хамнаска уһуйуллар. Уол оҕо — аҕатын туйаҕын хатарааччы. Онон уол оҕо иитиитигэр норуот уонна уопсастыба иннигэр улахан сорук турар.
Эр бэртэрэ, уолаттар, ситиһиилээх, күүстээх санаалаах, мындыр толкуйдаах, киэҥ көҕүстээх буолуҥ!
“Өймөкөөн улууһа” муниципальнай оройуон дьаһалтата