Эһигини идэлээх бырааһынньыккытынан истиҥник эҕэрдэлиибит!
Саха сиригэр уонна улууска олох-дьаһах хомунаалынай хаһаайыстыбатын хайысхалара сылтан сыл сайдан иһэллэр. Дойду бэрэсидьиэнин дьаһалынан дьон-сэргэ олоҕун-дьаһаҕын усулуобуйатын тупсарар туһугар ОДьКХ инфраструктуратын саҥардыы бырагыраамата хаһыс даҕаны сылын ситиһиилээхтик үлэлиир. Өрөспүүбүлүкэҕэ, ол иһигэр Өймөкөөн улууһугар, саҥа хочуолунайдар үлэҕэ киирэллэр, национальнай бырайыактар чэрчилэринэн эбийиэктэри саҥардыы үлэтэ былааннаахтык ыытыллар.
Бу тэрилтэ үлэһиттэрэ төгүрүк сылы быһа эрдэ туруоруллубут соруктарын толорорго кыһаллан үлэлииллэр-хамсыыллар, дьыбардаах тымныыга нэһилиэнньэ сылаас олоҕун-дьаһаҕын хааччыйаллар. Кинилэр кыстыкка бэлэмнэнии, бөҕү-сыыһы харайыы, нэһилиэнньэни ыраас уунан хаччыыйыы о.д.а. суолталаах дьаһаллары олоххо киллэрэргэ туруулаһан туран ылсаллар.
Улуус хомунаалынай хаһаайыстыбатын үлэһиттэригэр улахан ситиһиилэри, тус олохторугар дьолу-соргуну, чэгиэн-чэбдик туругу, дьон-сэргэ махталын ыла сылдьалларыгар баҕарабыт!
“Өймөкөөн улууһа” МТ дьаһалтата