Дьокуускайга үлэлиир улуустааҕы “Абитуриент-2024” ыстаабын салайааччы Анисья Киприянова иһитиннэрбитинэн, тус сыаллаах үөрэххэ туттарсыы сайабылыанньата быйылгыттан ыла «Работа в России» портал нөҥүө бэриллэр буолла.
Госуслуга саайтыгар киирэн, абитуриеннар тустаах үөрэх кыһатын талаллар уонна сайаапкаларын кумааҕынан эбэтэр электроннай көрүҥүнэн биэриэхтэрин сөп. От ыйын 10 күнүттэн сүрүн үөрэхтэргэ докумуон тутуута бүппүтэ.
Санаттахха, тус сыаллаах үөрэхтээһини ааспыт устудьуон хантараак ирдэбилининэн хампаанньаҕа, тэрилтэҕэ 5 сыл үлэлиир эбээһинэстээх.
От ыйын 10 күнүнээҕи туругунан улуустааҕы «Абитуриент» ыстаабыгар 23 выпускник кэлэ сырытта. Ол иһигэр, 3 тус сыаллаах үөрэххэ туттарсааччы, түөрдэ – ааспыт сыллааҕы выпускник.
Бу туһунан “Хотугу сардаҥа” хаһыакка ааҕыҥ.
Евдокия Егорова