Быйылгыттан Төрүт орто оскуолатыгар киирбит уларыта тутуулартан биирдэстэринэн агро-хайысханы кэлимник сайыннарыы буолуоҕа. Бу бачыымы оскуола дириэктэрэ Алексей Павлуцкай көҕүлээбитэ.
Саҥа сүүрээн чэрчитинэн быйыл сайын оскуола хортуоппуй олордор саҥа учаастактанна. Маны тэҥэ быйыл «Зеленка» диэн учаастакка элбэх сыллаах оту ыһарга анаан күрүөнү-хаһааны бэлэмнээһин үлэтэ ыытыллар. Сирэ номнуо тиэриллэн бэлэм турар. Сайын үлэ-сынньалаҥ лааҕырыгар сылдьыбыт оҕолор манна остуолба туруорбуттара.
Үүнээйини олордууну таһынан үөрэнээччилэри сылгы иитиитигэр сыһыарар үлэ тэриллэрэ былааннанар.
Елена Черемкина, биһиги общ. корр., Төрүт