Өймөкөөн улууһун Төрүт нэһилиэгэр олорор бэтэрээн-учуутал Галина Григорьевна Горчаковаҕа оскуола иһинэн тэриллэн үлэлиир “Айтэс” диэн үөрэнээччилэр Сэбиэттэрин оҕолоро субуотунньук тэрийэн, ытык киһиэхэ оттук маһын хайытан, дьаарыстаан үөрүүнү түстээтилэр.
Ол иһин ытык учуутал оскуола дириэктэрин тэрийэр үлэҕэ солбуйааччытыгар Анна Павлуцкаяҕа уонна “Айтэс” үөрэнээччилэр Сэбиэттэрин салайааччытыгар, 11-с кылааска үөрэнэр Кристина Березкинаҕа истиҥ махталын тириэрдэр.
Галина Григорьевна оҕолор ити курдук дьонноругар көмөлөөх, кырдьаҕаһы-кыамматы аһына, көмөлөһө улааттыннар, үөрэхтэригэр ситиһиини, туох баар үчүгэйи баҕарар, ис дууһатыттан алгыыр.
Елена Черемкина, биһиги общ.корр.