Быйыл сүбэнэн нэһилиэги 3 түөлбэҕэ араардылар, онон олохтоохтор үгэскэ кубулуйбут Спартакиада күрэхтэһиилэригэр күүскэ турунар санаалаахтар.
Аҕа дойдуну көмүскээччи күнүгэр түөлбэлэр спартакиада бастакы этабыгар кыттан сэргэхсийдилэр. Онтон олунньу бүтүүтэ волейболга күрэхтэһии ыытылынна. Кулун тутар 1 күнүгэр остуол тенниһигэр күрэс буолла.
Ону таһынан түөлбэлэр култуура салаатынан доҕордоһуу киэһэтин тэрийэн, дьон-сэргэ дьаарбаҥкаҕа атыылаһан, үөрэ-көтө оонньоон-көрүлээн тарҕаста. Ону тэҥэ ааспыт ыйга 55-тэн үөһэ саастаах дьоҥҥо сынньалаҥ киэһэтин кулууп бэркэ тэрийдэ.
Нэһилиэкпитигэр кулууп, бибилэтиэкэ тэрээһиннэри тиһигин быспакка ыыталлара кэрэхсэбиллээх.
Ити курдук Төрүт нэһилиэгэ бэрт сэргэхтик олорор. Оскуола олоҕо эмиэ күөстүү оргуйар: предметнэй нэдиэлэлэр, оскуола үлэһиттэрин спартакиадата түмүктэннэ. Онон төрүттэр хаһан буоларын курдук тэрээһиннэри көхтөөхтүк, үрдүк таһымҥа ыытарга дьулуһаллар.
Сиһилии – “Хотугу сардаҥа” хаһыакка
Елена Черемкина, общ. корр., Төрүт