Төрүт нэһилиэгин баһылыга Владимир Алексеев иһитиннэрбитинэн, нэһилиэк хочуолунайа 7 насостааҕыттан 5-һэ алдьанан турар эбит.
— 80-ча м ититии трассата саҥардыллыахтаах. Аны уһун ардахтартан суолбут сууйуллан хаалла. Куйаар ситиминэн буолбут мунньахха улуус салалтатыгар суол бүгүҥҥү туругун хаартыскалаан иһитиннэрии ыыттым. Александр Иванов «смета оҥоруохпут» диэн эттэ.
Сайын нэһилиэкпит ОДьКХ-тын салайааччыта Александр Винокуровтыын «Теплоэнергосервис» АУо генеральнай дириэктэрин солбуйааччы Виктор Иванову кытта сирэй көрсөн кэпсэтэ сылдьыбыппыт, балаһыанньабытын быһаарбыппыт. Бу субуотаҕа исписэлиистэр кэлэн, хочуолунайга үлэлиэхтээхтэр. Онон ититиини балаҕан ыйын 1-кы күнүгэр киллэрэр инилэр диэн эрэнэбит, — диэн иһитиннэрдэ Владимир Алексеев.
Өймөкөөн улууһун пресс-сулууспата