Өймөкөөн улууһунааҕы Тыа хаһаайыстыбатын Управлениетын кылаабынай зоотехнигыттан Евдоким Кондаковтан ынах сүөһү туругун уонна төрүөх туһунан ыйыталыстыбыт.
— Уопсайынан кыстыкка 3037 тонна от бэлэмнэннэ, онтон бүгүҥҥү күннээххэ тастан 247 тонна от тиэйилиннэ. Комбикорм —189 тн, эбиэс 76 тонна. Ону тэҥэ улууска 23 тонна сенаһы аҕалбыттара.
Улууска ыам ыйынааҕы туругунан 1197 хороҕор муостаах иитиллэн турар, ол иһигэр ынаҕа — 411, төрүөх – 269 тэҥнэстэ. Сылгы ахсаана — 3715, ол иһигэр биэтэ 2448, төрүөх ахсаана – 22 буолла. Бу күннээххэ хаһаайыстыбаларга 570 тн от, 120 тн комбикорм, 42 тн эбиэс, 6 тн сенаж баара биллэр. Хороҕор муостаахха 13 төбө ол иһигэр 12 ньирэй баар. Сылгыга 146 төбө.
Томтор нэһилиэгин дьаһалтатын тыа хаһаайыстыбатын исписэлииһэ Николай Спиридонов сырдатыытынан, нэһилиэккэ 241 ынах сүөһү баар. Бааһынай хаһаайыстыбаларга 50 төбө, көмө хаһаайыстыбаларга 191 ынах сүөһү иитиллэн турар. Бу саас уопсайа 50 ньирэй төрөөтө. Бааһынай хаһаайыстыбаларыгар 11 ньирэй буолла. Сылгы ахсаана маннык: 1714 тэҥнэһэр. Тэрээһиннээх хаһаайыстыбаларга 105, онтон бааһынайдарга 447, чааһынайдарга 245 төбө иитиллэн турар. Бөдөҥ хаһаайыстыбаларга сылгы төрүөҕэ 15 төбөҕө тэҥнэһэр. Бааһынайдарга — 15 төбөлөөхтөр. Мантан да салгыы төрүөх өссө эбиллиэ турдаҕа. Быйыл ордук сылгыга ыарахан кыстык ааһан эрэр, диэн исписэлиистэр кэпсииллэр.
Сиһилии «Хотугу сардаҥа» хаһыакка ааҕыҥ
Евдокия ЕГОРОВА