Быйыл өрөспүүбүлүкэ үрдүнэн оту илиинэн охсууга А.И. Кладкин олохтообут рекорда 85 сылынан уонна Таатта улууһун ТХПК дириэктэрин Н.Н. Соломонов кэриэһигэр Уолба нэһилиэгэр атырдьах ыйын 10-11 күннэригэр “Күүлэй-2023” аһаҕас өрөспүүбүлүкэтээҕи күрэхтэһии ыытыллар.
Күрэҕи “Таатта улууһа” МТ дьаһалтата, “Сахабэчээт” ГАУ, Таатта улууһун Тыа хаһаайыстыбатын управлениета, “Уолба нэһилиэгэ” МТ дьаһалтата, “Уолба” ТХПК тэрийэн ыыталлар.
Генеральнай спонсор — “Сахабэчээт” ГАУ уонна “Таатта улууһа” МТ дьаһлтата.
Сайаапкалары атырдьах ыйын 8 күнүгэр диэри Таатта улууһунааҕы Тыа хаһаайыстыбатын управлениетын ushtatta@mail.ru электроннай аадырыгар ылаллар.
Биир хамаандаҕа үс киһи киирэр, ол иһигэр аҕалаах уол.
18-н аҕа саастаах кэрэ аҥаардар илии хотуурунан охсоллор.
“Күүлэй-2023” өрөспүүбүлүкэтээҕи күрэхтэһии чөмпүйүөнүнэн ордук элбэх га сири охсубут хамаанда ааттанар. Маныаха охсуу ырааһа учуоттанан, хамаандаҕа эбии балл көрүллэр.
Кыайыылаахтар харчынан, сыаналаах бирииһинэн, мэтээллэринэн наҕараадаланнар.
Супер-бириис – быйылгы төрүөх убаһа, бириискэ мотуордаах хотуур, мотуордаах штиль эрбии, электрогенератор уонна тыа хаһаайыстыбатын табаардара бааллар.
Любовь Кривошапкина