Өрөспүүбүлүкэҕэ от ыйын 1 күнүнээҕи туругунан оттооһун былаанынан 408 тыһыынча туонна от оттоннуохтаах.
Өймөкөөн улууһугар оттооһуҥҥа бэлэмнэнии туһунан тыа хаһаайыстыбатын управлениетын салайааччыта Руслан Атласов иһитиннэрбитинэн, быйыл улуус отчуттара 3660 туонна оту оттуур былааннаахтар.
- Күн аайы кэриэтэ ардахтыыр буолан, от үүнүүтэ куһаҕана суох. Арай уһуннук ардаан халаанныан сөп. Ол эмиэ кыһалҕаны үөскэтиэн сөп курдук. Билиҥҥи туругунан ходуһаларга уу киирэн эрэр да, кутталы үөскэппэт. От үүнүүтүгэр көмөлөөх.
Быйыл курааннаан, киин улуустарга от үүнүүтэ мөлтөх буолан, быйылгы курдук көмө окко эрэл суох. Бары нэһилиэктэргэ субуотунньуктары тэрийэн, оттооһуну күргүөмнээхтик ыытар сорук турар, — диэн бэлиэтээтэ Руслан Атласов.
Бу туһунан сиһилии “Хотугу сардаҥа” хаһыакка ааҕыҥ.
Өймөкөөн улууһун пресс-сулууспата