“Сордоҥноох нэһилиэгэ” МТ дьаһалтатын баһылыга Альберт Вензель иһитиннэрбитинэн, бу күннэргэ нэһилиэккэ былааннаах ырааһырдыы үлэтэ ыытылынна.
Олохтоохтор кыстык хаар түһүөн иннинэ сайын устата мунньуллубут бөҕү-сыыһы хомуйууга күргүөмнээхтик туруннулар.
— Субуотунньукка биирдиилээн дьон, тэрилтэлэр таҕыстылар, — диэн кэпсээтэ Альберт Николаевич. – Биһиги КАМАЗ уонна кыра кыамталаах массыыналарынан бөҕү-сыыһы уончалыыта кырынан, бөһүөлэк таһыгар сыбаалкаҕа тиэйдибит. Маны хаар түстэҕинэ, баһаартан сэрэхтээх буолуу бары миэрэлэрин тутуһан туран, уматар былааннаахпыт.
Ити курдук сордоҥноохтор олорор түөлбэлэрин ис-тас көстүүтүн тупсарарга бары күүстэрин-уохтарын уураллар.
Любовь Кривошапкина