«Ыраас Арктика» диэн хотугу эргимтэни бөхтөн-сыыстан, кытаанах тобохтон ыраастыыр федеральнай бырайыакка ким баҕалаах кыттыан сөп. Сайаапканы cleanarctic.ru саайтка киирэн хааллараҕыт.
Хоту сир айылҕатын өр сыл устата мунньуллубут бөхтөн-сыыстан ыраастыыр, туһаҕа таһаарар суолталаах улахан бырайыак дойдуга икки сыллааҕыта саҕаламмыта. Саха Өрөспүүбүлүкэтигэр үлэ аан бастаан Булуҥ улууһун Тиксии бөһүөлэгэр ыытыллыбыта. Олохтоохтор, волонтердар уонна оборона министерствотын үлэһиттэрэ 300 туонна тимири хомуйан, «Амурсталь» собуокка хат уулларыыга ыыппыттара. Ол кэннэ хас да хоту улууска үлэ салҕанар.
Бырайыак иитинэн өрөспүүбүлүкэҕэ хас гектар сиргэ төһө бөх хомулунна, бу тобох салгыы ханна барар, волонтер буоларга туох ирдэбил баарый уо. д. а. ыйытыктарга СӨ Арктиканы сайыннарыы уонна хотугу норуоттар дьыалаларын министерствотын исписэлииһэ Сергей Васильев хоруйдаата.
Елизавета Васильева