СӨ ДьУоКХ уонна энергетикаҕа миниистирэ Вячеслав Емельянов салайааччылаах СӨ Бырабыыталыстыбатын оробуочай бөлөҕө уонна улуус баһылыга Алексей Федотов хорсун буойун, анал байыаннай дьайыыга хорсун быһыыны көрдөрбүт, «Алеша» диэн позывнойунан биллэр Байаҕантай нэһилиэгин ыччатын төрөппүттэрин кытары көрүстулэр, диэн Мүрү саһарҕата телеграм-ханаал суруйар.
Кинилэр ытыктабыллаах төрөппүттэргэ маннык Аҕа дойдутугар бэриниилээх, хорсун ыччаты иитэн таһаарбыттарыгар СӨ Ил Дарханын, бырабыыталыстыба аатыттан махталларын биллэрдилэр.
Түмүккэ улуус баһылыга Алексей Федотов Ил Дархан Айсен Николаев аатыттан холодильник сертификатын туттарда. «Кинилэр уоллара дойду саамай үрдүк наҕараадатын ыларыгар улуус дьоно-сэргэтэ эрэнэллэр» диэтэ.
Афанасий Сектяев, Мүрү саһарҕата