Саха сириттэн дьон сылдьар 32 түөлбэтин иһигэр Томтор нэһилиэгэ киирдэ

“Дьиэ-уот уонна куорат эйгэтэ” диэн национальнай тохсол чэрчитинэн ыытыллыбыт бүтүн Арассыыйатааҕы талыы түмүгүнэн, Саха сириттэн дьон-сэргэ сылдьар 32 түөлбэтин таллылар (общественные пространства). Олору барытын тупсарыахтара, чөлүгэр түһэриэхтэрэ, саҥалыы оҥоруохтара. Ил Дархан Айсен Николаев эппитинэн, ити барыта өрөспүүбүлүкэ нэһилиэнньэтин көхтөөх дьайыытынан ситиһиллибит.

“Барыта 67 тосхол киирбититтэн, 32-тин таллылар. Бу – улахан ситиһии. Талыыга былырыыҥҥыттан икки төгүл элбэх, 124 623 киһи, кытынна”, – диэн Айсен Николаев Телеграмҥа суруйбут.

 Кыайыылаах түөлбэлэр-түһүлгэлэр (общественные пространства) ортолоругар Өймөкөөн улууһуттан Томтор нэһилиэгэр С.В. Обручев аатынан уулуссаҕа бульвар бырайыага киирбитэ кэрэхсэбиллээх.

“Талыыга кыттыбыт дьоҥҥо барыларыгар махталбын тиэрдэбин! Аны ити талыллыбыт сирдэр-түөлбэлэр бырайыактара оҥоһуллуо. Саха сирин көхтөөх олохтоохторо ити тосхоллор олоххо киириилэригэр уонна сайдыыларыгар кылааттарын киллэриэхтэрэ диэн эрэнэбин”, – диэн Ил Дархан анаан бэлиэтээбит.

Редакция

 

Читайте дальше