Саха сиригэр 111 687,7 гектар иэннээх сиргэ уопсайа 37 ойуур баһаарын умуллара сылдьаллар. Бу туһунан бэнидиэнньик сарсыарда өрөспүүбүлүкэ экологияҕа министиэристибэтэ иһитиннэрдилэр.
Уот Алдан, Үөһээ Халыма, Кэбээйи, Мииринэй, Муома, Нерюнгри, Ньурба, Өлүөхүмэ, Өймөкөөн, Томпо уонна Уус-Маайа оройуоннарыгар баар. Ааспыт сууккаҕа 1 467,1 гектар иэннээх сиргэ тоҕус ойуур баһаарын умуллардылар.
Ойуур баһаарын умулларыыга 932 киһи, 29 анал тиэхиникэ, аҕыс МИ- 8 бөртөлүөт үлэҕэ тардылынна. Авиаботуруулга 16 сөмөлүөт үлэлиир АН-2 уонна Cessna.
Мария Горохова