«ЭЙГЭ-2024» архитектура уонна дизайн эйгэтигэр иккис өрөспүүбүлүкэтээҕи бириэмийэ кылгас испииһэгэ 107 эбийиэк киирбит. Ол туһунан Ил Дархан иһинэн үлэлиир Архитектура уонна куорат тутуутун управлениета биллэрдэ.
Финалга 20 улуус бырайыага ааспыт. Саамай элбэх сайаапка «Бастыҥ социальнай эбийиэк», «Бастыҥ олбуор» уонна «Бастыҥ уопсастыбаннай эйгэ» диэн анал ааттарга туппуттар.
Кыайыылааҕы талар уустук буолуо диэн Архитектура уонна куорат тутуутун управлениетын салайааччыта Любовь Папок эттэ. Кылгас испииһэккэ киирбит бырайыактар бары да уһулуччулар диир кини.
Ханнык эбийиэктэр финалга ааспыттарын манна көрүҥ.
ЯСИА саайта