Тыа хаһаайыстыбатын управлениетын начаалынньыга Руслан Атласов иһитиннэрбитинэн, бу күннэргэ ардаан, хаардаан үгүс ходуһалар ууга сыталлар. Билиҥҥи туругунан сорох дьон күрүө-хаһаа оҥостор, атыттар төһө кыалларынан толооҥҥо хаалбыт отторун хостуур түбүгэр сылдьаллар. Халаан уута мэһэйдээн тэрээһиннээх хаһаайыстыбалар кыстыыр отторун булуналларыгар уустуктар үөскээтилэр. Элбэх атыыга барар убаһалары кыстатыыга күчүмэҕэйдэр көстүөхтэрин сөп, онон ыаллыы улуустартан сорох племенной хаһаайыстыбалар от атыылаһарга күһэллиэхтэрэ.
Оттон кэтэх хаһаайыстыбалаахтар күнү-дьылы баттаһа, кыстыыр отторун булуннулар.
Өймөкөөн улууһун оттооһуҥҥа быйылгы былаана 3700 тонна. Ол быһыытынан улуус аграрийдара балаҕан ыйын 11 күнүнээҕи туругунан былаантан 81,2% толорон иһэллэр. Бу туһунан улуустааҕы Тыа хаһаайыстыбатын управлениетын кылаабынай зоотехнига Евдоким Кондаков иһитиннэрдэ.
Сиһилии “Хотугу сардаҥа” хаһыакка ааҕаарыҥ.
Любовь Кривошапкина