Биһиги биир дойдулаахпыт, филологическай билим хандьыдаата, дассыан, РФ суруйааччыларын сойууһун чилиэнэ, СӨ үөрэҕириитин үтүөлээх үлэһитэ Варвара Белолюбская-Аркук быйыл төрөөбүтэ 75 сылын бэлиэтээбитэ.
Өймөкөөн улууһун дорҕоонноохтук ааттатар эбээн норуотун чаҕылхай бэрэстэбиитэлин Варвара Григорьевна өрөгөйдөөх үбүлүөйүгэр аналлаах тэрээһин Дьокуускайга Аҕыйах ахсааннаах норуоттар тыйаатырдарыгар алтынньыга үрдүк таһымнаахтык ыытыллыбыта.
Тэрийээччилэр айар биэчэри В.Г. Белолюбская-Аркук олоҕун кэрчиктэринэн – учуутал, учуонай кистэлэҥин, айар үлэ алыбар ылларыытын уонна уопсастыбаннай диэйэтэл ситиһиитин быһыытынан арыйбыттара.
Соторутааҕыта аны Орто Халыма орто оскуолатыгар киниэхэ аналлаах бэртээхэй тэрээһин ыытылынна. Манна Орто Халыма орто оскуолатын, “Сказка”, “Колокольчик” уһуйааннар иитиллээччилэрэ Варвара Аркук суруйбут хоһооннорун эбээн тылынан дорҕоонноохтук аахтылар. Орто оскуола 1-кы кылааһын үөрэнээччилэрэ кини айымньыларынан уруһуйдаабыт үлэлэрэ ордук биһирэннилэр.
Бу туһунан хаһыаппытыгар В.Г. Белолюбская иһитиннэрдэ.
Любовь Кривошапкина