Чэпчэкитик уйдаран, уйдаран
Оргууй сиртэн дайабын, дайабын.
Чээлэй күөххэ сууланан
Ойон-көтөн эрэбин.
Үчүгэйиэн тулабар, тулабар
Сир симэҕин ситэрэн, ситэрэн,
Сиэдэрэй да сиэдэрэй
Сардаанабыт тыллыбыт.
Аалай күҥҥэ киэргэнэн, киэргэнэн
Алаас аайы кустуктуу, кустуктуу
Сибэккилэр оргууйдук
Суолбун тэлэн биэрдилэр.
Тоҕо, тоҕо кэрэтэй, кэрэтэй
Таптал иэйэр тойуга, тойуга
Оһуохайдаах кырдалым —
Орто дойдум олоҕо!
Зоя ОКОНЕШНИКОВА,
Чөмчүүк Туйгууна,
Уус-Ньара