Оҕолор успуорду кытта доҕордоһон

Былырыын оскуолабытыгар «Бэдэр» диэн оҕо спортивнай кулууба тэриллиэҕиттэн ыла биһиэхэ улахан хамсааһын таҕыста.

Ол курдук, муус устарга Дьокуускайга ыытыллыбыт оскуолатааҕы спортивнай кулууптар күрэхтэһиилэригэр оҕолор куһаҕана суохтук кыттан кэлбиттэрэ. Аны туран оскуолаларынан спортивнай сбордар ыытыллар буоллулар, Холобур, биһиги оскуолабытыгар тустууга сбор тэриллэр.

Волейболистары эмиэ Томторго сборга ыҥыраллар. Тохсунньуга биһиги — Үчүгэй, Сордоҥноох уонна Өймөкөөн оскуолатын эдэр спортсменнара Томтор нэһилиэгэр волейболга сборга мустан, икки нэдиэлэ устата дьарыктаммыппыт. Онтон олунньуга Дьокуускай куоракка «Көтөр мээчик» диэн күрэххэ куоталаспыппыт. Онно араас таһымнаах кыахтаах оҕолор бааллара, түмүккэ бэйэбит группабытыгар үһүс миэстэ буолбуппут. Салгыы икки нэдиэлэ курдук дьарыктанан баран, эмиэ олунньуга Тааттаҕа тиийэн күрэхтэспиппит. Хамаандалар ахсааннар элбээн, күүстээх оонньооччулар киирсибиттэрэ. Кулун тутар ортото Сордоҥноох нэһилиэгэр куоталаһан, 2-с миэстэ буолбуппут уонна ити ый бүтүүтэ Чурапчыга бара сылдьыбыппыт.

Мин спортивнай сбордарга сылдьарбын олус сөбүлээтим, тэрээһин кэмигэр элбэх табаарыстанным, сылдьыбатах сирдэрбин көрөн астынным, волейболунан дьарыктанар туһалааҕын биллим.

Сиһилии «Хотугу сардаҥа» хаһыакка ааҕын

Давид КАНАЕВ,

8 кылаас, Өймөкөөн

Читайте дальше