Соторутааҕыта Нам улууһун М.К. Аммосов аатынан култуура уонна духуобунай сайдыы дыбарыаһыгар “Муусука абыгар ылларан” диэн ааттаах биир дойдулаахпыт, СӨ култууратын туйгуна, Саха сирин ырыа айааччыларын сойууһун чилиэнэ, самодеятельнай мелодист, аккомпониатор Александр Меркулов ырыаларын толорууга өрөспүүбүлүкэтээҕи ырыа күрэҕэ буолла.
Александр Меркулов төрөөбүтэ 65 сылыгар аналлаах тэрээһиҥҥэ эдэриттэн эмэнигэр диэри кытыннылар. Онон оҕолорго, биирдиилээн толороччуларга, ансаамбылларга тус-туһунан Гран-при ананна. Кыттааччылар бары мелодист Александр Меркулов ырыаларын толордулар.
Биирдиилээн толорооччуларга Гран-при Бүлүү куоратыттан аатырбыт ырыаһыт Матрена Сивцеваҕа тигистэ. Матрена Сивцева ырыаһыт, мелодист Александр Меркуловы кытта бииргэ олус тапсан ыллыыллар эбит.
Өймөкөөн улууһуттан бу ырыа куонкуруһугар сольнайдарга Дмитрий Винокуров, оҕолорго Давид Меркулов, дуэттарга Майя Винокурова, Таисия Харитонова кытыннылар. Оттон Агафья Готовцева, Ирина Сивцева кэтэхтэн ыллаатылар. Ансаамблларга «Туйаарыма» (Оксана Суздалова, Айталина Иванова, Ньургустаана Дьячкова, Галина Петрова) Дмитрий Винокуровтыын квинтет буолан ыллаатылар-туойдулар.
Биһиги корр.